Oda e Hotelerisë dhe Turizmit të Kosovës në Gjilan ka mbajtur Kuvendin Themelues ku ka zgjedhur kryesinë e saj shkruan Radio Star.
Në këtë takim, kryetar i OHTK-së të Njësisë Rajonale është zgjedhur Elhami Idrizi.
Idrizi premtoi se do të jetë zë i fuqishëm i këtyre sektorëve.
Ai tha se është i hapur që të bashkëpunoj me të gjithë anëtarët në trajtimin e kërkesave të tyre.
Në këtë takim është bërë zgjedhja e kryetarit, nënkryetarit dhe sekretarit, zgjedhja e dy përfaqësuesve të komunave Kamenicë, Viti si dhe zgjedhja e 11 anëtarëve.
Po ashtu në këtë kuvend është zgjedhur edhe kryesia e ngushtë e përbërë nga Fatlum Selmani në pozitën e nënkryetarit, Fatos Shehu sekretarë, në këtë takim u zgjodhën edhe dy përfaqësuesit nga Kamenica me Arsim Kqikun edhe nga Vitia, Selajdin Osmani.
Qëllimi i OHTK-së në Gjilan, është përforcimi i bashkëpunimit ndërmjet institucioneve lokale, qendrore dhe rajonale, për identifikimin e mënyrave dhe hapave për krijimin e një mjedisi të favorshëm për përfshirjen sa më të gjerë të bizneseve hoteliere dhe atyre turistike./RadioStar/
