Presidenti amerikan, Donald Trump komentoi fjalët e presidentit francez, Emmanuel Macron, i cili tha ditën e djeshme se Franca mund ta shtrijë ombrellën e fuqisë bërthamore te partnerët e saj evropianë si dhe foli për shpenzimet për mbrojtje për shtetet anëtare të NATO-s.
Presidenti amerikan përsëriti qëndrimin e tij se partnerët evropianë duhet të rrisin shpenzimet e mbrojtjes, kur u pyet nëse ai mund të tërheqë fondet e SHBA-së nga NATO.
“Ne kemi bërë shumë përparim me Ukrainën dhe shumë përparim me Rusinë gjatë dy ditëve të fundit dhe do të ishte mirë që t’i jepnim fund, në mënyrë që të mos flasim në atë mënyrë për bombat bërthamore”, tha Trump.
“Është arsye e shëndoshë dhe e drejtë që nëse ata nuk paguajnë, unë nuk do t’i mbroj”, shtoi presidenti.
Trump tha gjithashtu se ai po shikon me vëmendje çështjen e ditës së djeshme, kur u pyet për thashethemet se statusi i përkohshëm ligjor i 240,000 ukrainasve që ikën në SHBA mund të revokohet.
“Ne nuk duam t’i lëndojmë ata, veçanërisht ukrainasit, ata kanë kaluar shumë peripeci”, përfundoi Trump.
