Drita të enjten e kaluar e ka mbyllur aventurën në garat evropiane.
Skuadra nga qyteti i Gjilanit është eliminuar nga Legia Warshava në rrethin e tretë kualifikues në Ligën e Evropës, raporton Gazetasheshi.com
Ekipi i drejtuar nga Ardian Nuhiu ishte eliminuar edhe nga Liga e Kampioneve para ndeshjes me Linfield shkak rastet me COVID-19. Lidhur me eliminim nga Liga e Kampioneve, Drita e ka drejtuar lëndën në CAS, derisa tani po pret vendimin i cili do të merret në tetor.
Drejtori sportiv i Dritës, Valon Zymberi në një intervistë për “Duelin Sportiv” në Dukagjin ka theksuar se është optimist se do ta fitojnë lëndën.
Eliminimi nga Liga e Kampionëve, çfarë pret Drita nga CAS-i?
“Janë zhvilluar të gjitha procedurat, avokati po merret me lëndën. Avokati është optimist ashtu edhe si ne. Seanca e parë në CAS është më duket më 5 tetor. Jemi optimist se do ta fitojmë këtë rast”, deklaroj Valon Zymberi.
Kujtojmë që Drita është ekipi i vetëm nga futbolli kosovar i cili ka arritur të kalojë runde më së shumti në garat evropiane që nga pranimi i Kosovës në UEFA e FIFA.
