Këshilli i Bashkësisë Islame në Gjilan, me rastin e pensionimit të Metush Islamit, punëtor i dalluar i Këshilit të Bashkësisë Islame në Gjilan, ka organizuar një event rasti, ku përveç administratës së KBI-së morën pjesë edhe imamët e komunës sonë.
Kryetari i KBI-së në Gjilan, Naim Aliu, foli për punën e palodhshme dhe sjelljen e dalluar të haxhi Metushit prej kur ai është i angazhuar në këtë detyrë e deri më tani. Me këtë rast edhe i ndau mirënjohje për kontributin e tij të pashoq e deri në ditët e sotme.
Metush Islami falënderoi kryetarin e KBI-së dhe të gjithë kolegët e punës për bashkëpunim, duke e lutur Allahun që ky bashkëpunim të vazhdojë edhe në mes të punëtorëve të tjerë.
