U përurua libri me tregime “Një emër nga letërnjoftimi”, i autorit Muhamet Halili
Asociacioni Alternativ i shkrimtarëve të Kosovës me seli në Gjilan, Ars Club “Beqir Musliu”, në bashkëpunim me Bibliotekën e Qytetit “Fan. S Noli” , në shenjë të librit dhe autorit Muhamet Halili, për të cilin është libri i tretë me radhe i këtij lloji ( tregime), organizoi një bashkëbisedim me krijues e artdashës.
Kritikë e lexues thanë fjalën e tyre për vlerat e këtij libri , i cili gjithsesi pasuron letërsinë, veçmas në llojin e tregimit, duke ruajtur kështu edhe një traditë të shkrimtarëve gjilanas, të cilët i kanë dhënë shumë emra, tituj e vlera prozës shqipe në përgjithësi.
Disa nga krijuesit e dashamirët e pasionuar të librit u prezantuan me vështrime e përshtypje të veta për librin si, Sabit Rrustemi (botues), Biser Mehmeti e Sinan Sadiku (recensentë) pastaj, Fatmir Latifaj, Agim Kajtazi, Izeir Hyda, Nehat Ramadani, Selvete Avdullahu, Fadil Kajtazi, Heset Zymberi, Qazim Azizi, Nevzad Isufi e Arsim Halili.
Ishte ky një përurim pak më ndryshe i librit si dhe autorit, ndërsa u paralajmërua shumë shpejtë edhe botimi i librit të ri nga ku autor.
