Kardiologjia në Qendrën Klinike Universitare të Kosovës po avancohet me ndihmën e mjekut shqiptar në Gjermani Dr. Valon Spahiu.
Dr. Valon Spahiu është mjek shqiptar me prejardhje nga Kosova, i cili jeton dhe punon në Gjermani. Spahiu është mjek në spitalin “SLK Klinikum Platenëald” në Heilbronn ku edhe mban pozitën “Oberartz”, shkruan Gazeta Shneta.
Spahiu mban titullin specialist i kardiologjisë dhe kualifikimet shtesë në këtë lëmi i ka arritur në fushën e elektrofiziologjisë intervente DGK dhe elektrofiziologji intervente Niveli II i certifikuar nga EHRA.
Aktivitetet kryesore si mjek i ka në kardiologji intervente dhe elektrofiziologji intervente.
Dr. Valon Spahiu, kardiolog
Spahiu është anëtar i Shoqatës gjermane të kardiologëve dhe Shoqatës Evropiane të Ritmit të Zemrës (EHRA).
Përvojën dhe ekspertizën e tij Spahiu është duke e sjellë në Klinikën e Kardiologjisë në QKUK. Është hera e dytë brenda një viti që Spahiu vjen në QKUK për të ndihmuar kolegët e tij për t’u avancuar në metodën me ablacion me radiofrekuencë.
Për katërt ditë Spahiu bashkë me ekspertin nga Bullgaria Prof. Vassi Traykov dhe kardiologët e QKUK-së kanë punuar 14 raste me çrregullim të ritmit kardiak. Ata kanë përdorur sistemin modern të navigacionit 3D. /Gazeta Shneta/
