Drejtori sportiv i FC Dritës, Valon Zymberi, përmes një statusi në ‘facebook’, ka falemnderuar ish-trainerin e skuadrës Ardian Nuhiun, për punën e tij të cilën e ka bërë në skuadër për 4 vite.
Përmes një konferece skuadra gjilanase FC Drita, ka treguar se skuadra dhe traineri kanë ndarë rrugët, pasi skuadra është eliminuar nga Kupa e Kosovës.
Shkrimi i plotë:
Jam shumë krenar që pata fatin të punojmë së bashku dhe t’i prekim majet e suksesit me familjen tonë badhë e kaltër!
Përgjatë kësaj periudhe përjetuam gjithçka, gëzime, hidhërime, emocione të përziera që vetëm futbolli di t’i dhurojë.
Nga këto 1528 ditë kemi fituar të gjithë!
Ka fituar futbolli kosovar, ka fituar Drita, ke fituar ti e më së shumti kam fituar UNË. FALEMINDERIT!
Faleminderit që për 1528 ditë së bashku me ne, 24 orë në ditë ishe i përkushtuar për ta vendosur një standard të ri tek klubi ynë dhe futbolli kosovarë në përgjithësi.
1528 – është treguesi më i mirë se qfar njeriu jeni!
Paq fat kudo që shkon!
Mirupafshim trener.
