Ka vdekur brenda Qendrës Klinike Universitare vajza 5 vjeçare nga Stagova e Kaçanikut pasi e njëjta ishte goditur nga një veturë në këtë fshat më datë 14.06.2021.
Kështu kanë bërë të ditur nga policia e Ferizajt të cilët kanë thënë se viktima 5 vjeçare, S.M ishte duke u trajtuar në repartin intenziv dhe si pasojë e lëndimeve trupore, ajo ka ndërruar jetë.
Vajza ishte aksidentuar nga një zyrtar policor i cili në momentin e aksidentit ishte jashtë detyrës dhe ndaj tij ishte caktuar masa e ndalimit për 48 orë dhe më pas ishte liruar me procedurë të rregullt.
Ky është njoftimi i plotë i prokurorisë:
Me datën 14:06.2021 rreth orës 20:07 në fshatin Stagovë të Kaçanikut , ka ndodhur një aksident komunikacioni rrugor, e përfshirë një automjet civil i udhëtarëve, i drejtuar nga L.D (M/K/SH) 51 vjeçar dhe një këmbësor , S.M (F/K/SH) 5 vjeçare. Drejtuesi i automjetit është zyrtar policor, në momentin eaksidentit , ai ishte jashtë detyre.
Deri te aksidenti i komunikacionit, dyshohet të ketë ardhur, kur automjeti iudhëtarëve Golf me targa vendore, po qarkullonte nga drejtimi i lagjës ‘’Dashi’’ në drejtim të magjsitrales, në rrugën ‘’Ekrem Gudaqi ‘’ të fshatit Stagovë, ndërsa këmbësorja, ishte duke lëvizur prej anës së djathtë për të kaluar në anën e majtë të kësaj rruge, ku në atë moment, me pjesën e përparme, goditet nga automjeti Golf, ku i shkakton lëndime të rënda trupore.
Drejtuesi i automjetit, këmbësoren e lënduar e dërgon në Qendrën e Mjekësisë Familjare të Kaçanikut. Pasi merr ndihmën e parë mjekësore aty, e njëjta dërgohet për tretman të mëtutjeshëm mjekësor, në Qendrën Klinike Universitare të Prishtinës.
Sot, me datën 29.06.2021, në ora 05:37, jemi njoftuar nga Qendra Klinike Universitare e Prishtinës, se këmbësorja S,M e cila ishte duke u trajtuar në repartin intenziv, si pasojë e lëndimeve të rënda trupore në këtë aksident , e njëjta ka ndërruar jetë .
Në ditën e aksidentit, mënjëhërë është njoftuar Inspektorati i Policisë së Kosovës, i cili ka rekomanduar për suspendim e përkohshëm të policit të involvuar në këtë aksident, ndërkaq me vendim të Prokurorit të Shtetit nga Prokuroria Themelore e Ferizajt, i njëjti ishte ndaluar në mbajtje për 48 orë, për të kaluar në procedurë të rregullt pastaj.
Sot, me vendim të Prokurorit të rastit, trupi e pajetë dërgohet në Institutin e Mjekësisë Ligjore në Prishtinë. Rasti është në procedurë të mëtejme hetimore.
