Kryetari i Partisë Demokratike të Kosovës, Kadri Veseli, ka takuar sot strukturat e Rinisë Demokratike në Gjilan të cilët janë duke bërë përgatitjet për zgjedhjet e reja parlamentare.
Veseli tha para të rinjve të PDK-së në Gjilan se në zgjedhje të reja po shkojnë për të fituar Kosova.
“Fitorja e PDK-së eshtë fitore e Kosovës”.
Ai po ashtu ka deklaruar se Rinia Demokratike e Kosovës është burim i pashtershëm energjie dhe është një nga arsyet kryesore të sukseseve elektorale të PDK-së.
“Rinia Demokratike e Kosovës është burim i pashtershëm energjie dhe është një nga arsyet kryesore të sukseseve elektorale të partisë sonë. Partia Demokratike e Kosovës e ka derën e hapur, promovon të rinjtë si asnjë parti tjetër dhe ofron vizionin më të mirë për të ardhmen e tyre. Sot, ka të rinj që nuk gjejnë dot mundësi në vendin tonë dhe po largohen”.
“Prandaj, do të punojmë edhe më shumë që brezat e rinj mos të largohen, por ta ndërtojnë të ardhmen që meritojnë në Kosovë. Në zgjedhje po shkojmë për të fituar Kosova. Fitorja e PDK-së eshtë fitore e Kosovës!”, ka shkruar Veseli në Facebook.
