Një nga incidentet më të rënda të pasluftës në Kosovë, ishte edhe ai kur ushtarët rusë kishin vrarë tre serbë. Kjo kishte ndodhur kur ushtarët rusë shërbenin në kuadër të KFOR-it. Ngjarja kishte ndodhur pas çlirimit të Kosovës.
Rusët kishin hapur zjarr ndaj serbëve pasi ata nuk ishin përgjigjur thirrjeve të ushtarëve që të ndalnin sulmin ndaj disa shqiptarëve, shkruan Magazina.al.
Ngjarja kishte ndodhur disa javë pas çlirimit të Kosovës në një fshat të Gjilanit, ku kishin mbetur një i vrarë dhe dy të plagosur shqiptarë, ndërsa 3 serbë u vranë nga forcat ruse pasi u përleshen edhe refuzuan thirrjet e ushtarëve rusë që të ndalnin sulmin ndaj shqiptarëve.
Në atë kohë, 40 mijë paqeruajtësit e udhëhequr nga NATO-ja kishin të drejtë të përdorin forcën vdekjeprurëse për të mbrojtur veten dhe për këtë zyrtarët e NATO-s e kishin mbështetur veprimin e ushtarëve rusë.
“Më lejoni të them diçka për kontigjentin rus. Unë mendoj se ata po bëjnë një punë në mënyrë profesionale në rrethana të vështira dhe të rrezikshme si të gjitha vendet e tjera të KFOR-it. Kjo është treguar shumë qartë. Prandaj, ata të gjithë meritojnë – trupat ruse të KFOR-it – mbështetjen tonë të plotë dhe të gjithë mbështetjen dhe gjithë respektin”, shprehej Javier Solana, Sekretar i Përgjithshëm i NATO-s atëkohë.
Videoja më poshtë shfaq pamje nga vendi i ngjarjes:
