Shkruan: Avni Rudaku
Propozoj që rruga Gjilan-Ferizaj dhe Gjilan-Prishtinë, të bëhet krejt vijë e plotë, pa lejim tejkalimi askund. E para, është krejt e mbushur me vendbanime, shkolla nxënësish, me asfalt të prishur të saporregulluar, me shumë gropa, ndërsa e dyta, me rrugë mozomakeq e shumë kthesa të vazhdueshme. Edhe nëse tejkaloni çdo veturë, mund të shkoni më shpejt jo më shumë se 5 minuta para të tjerëve që i lini mbrapa. Tejkalimet po sjellin shumë aksidente, lëndime e vdekje. Shpëtoni jetë, bëjeni vijë të plotë nga Gjilani deri në Ferizaj dhe nga Gjilani deri në Prishtinë. Një gjë është e sigurt: shpëtoni jetë. Nuk humbni bash asgjë. Autoambulanca nuk përfshihet këtu, pasi që ka përparësi në çfarëdo rruge. Kështu që, bëjeni vijë të plotë, me ndalim të prerë tejkalimi. Shpëtoni jetë!
