Kryeparlamentarja Vjosa Osmani, gjatë një vizite në Gjilan, ka konfirmuar se Autostrada Prishtinë-Gjilan, do të realizohet dhe se ky projekt është prioritet i Qeverisë së Kosovës.
Kryekuvendarja, ka thënë se do të vazhojnë të punojnë në këtë projekt me rëndësi për banorët e Anamoravës por shtoi se në emër të këtyre projekteve nuk do të lejojnë korrupsionin.
“Nuk do të lejojmë që në emer të lidhjes me autostrada t’i lidhim njerëzit me zinxhirin e keqpërdorimit, prandaj dua të flas qartë para jush, se kjo autostradë do të bëhet dhe korrupsioni do të ndalet. Do të investojmë në ndertimin e shtetit”, tha ajo ne mes tjerash, para këshilltarëve të Kuvendit Komunal në Gjilan.
Edhe, Ministri i Infrastrukturës dhe Ambientit, Lumir Abdixhiku ka njoftuar sot se kjo ministri ka anuluar tenderin 110 milionësh për autostradën Prishtinë-Gjilan.
Por, Ministri i ri Abdixhiku ka thënë poashtu se projekti për autostradën do të vazhdojë dhe është prioritet i qeverisë së re.
“Qeveria e re i siguron banorët e Anamoravës se projekti i autostradës Prishtinë-Gjilan vazhdon. Është prioritet i programit tonë. Javën që vjen do t’i vizitoj punimet e deritanishme që duket se kanë mbetur prapa në kohë. Do t’i japim ritëm të ri”, ka thënë Ministri.
Osmani është në takime me kryetarin e Komunës së Gjilanit, Lutfi Haziri, e cila i shprehi atij ngushëllime për tragjedinë e ndodhur ditë më parë në familjen Bllaca, ku u vranë pesë persona nga një familje
