Presidenti i Serbisë, Aleksandar Vuçiq, u shpreh i bindur se në zgjedhjet e prillit që organizohen në Serbi, do të votohet edhe në Kosovë.
Sipas tij, serbët në Kosovë do të votojnë nëpër qendrat e votimit në veri por edhe në gjithë territorin e Kosovës, shkruan TV Pink.
Tutje, ai thotë se shpreson që “dikush të jetë i zgjuar që të mos ndërhyjë për mosmbajtjen e zgjedhjeve serbe në Kosovë”.
Ndërkaq, sa i përket bisedimeve në Dialogun Kosovë – Serbi, ai thotë se pala kosovare “duan të flasin me vetveten, janë të interesuar vetëm për njohjen nga Serbia”.
