Presidenti i Serbisë, Aleksandar Vuçiq, tha sot se Ukraina është mike e Serbisë dhe se më e rëndësishmja, siç tha ai, është se nuk e ka njohur pavarësinë e Kosovës.
Në një deklaratë për gazetarët në Tiranë, ku po mbahet Samiti Ukrainë – Evropë Juglindore, Vuçiqi tha se Serbia u përmbahet deklaratave parlamentare dhe qëndrimeve të Këshillit të Sigurisë Kombëtare dhe se Ukraina nuk e ka të lehtë.
“Mos harroni pse është e rëndësishme, përveç faktit që këta janë miqtë tanë sllavë, duhet të keni parasysh që Ukraina nuk e ka njohur askund Kosovën”, tha ai, transmeton Klankosova.tv.
