Trajneri Zekirija Ramadani ka mbushur një vit në krye të skuadrës bardhekaltër të Dritës, duke treguar aftësi të jashtëzakonshme dhe duke i dhënë ekipit një identitet të fortë fituesshkruan Radio Star.
I emëruar në krye më 30 nëntor 2023, Ramadani ka dëshmuar se është një ndër trajnerët më të suksesshëm dhe me ndikim në futbollin kosovar.
Gjatë një viti në drejtimin e Dritës, statistikat e tij flasin vetë:
•27 fitore ✅
•11 barazime 🤝
•9 humbje ❌
Këto rezultate pasqyrojnë përmirësimin e ndjeshëm të skuadrës nën udhëheqjen e tij, duke përfshirë edhe performancën mbresëlënëse në ndeshjet e mëdha.
Një nga arritjet më të shquara të Ramadanit erdhi së fundmi, kur Drita mposhti kampionin aktual, Ballkanin, në stadiumin e saj. Me këtë fitore 3-2, Ramadani jo vetëm që i dha fund serisë së gjatë të pamposhtshmërisë së Ballkanit në shtëpi, por gjithashtu forcoi pozitat e Dritës si lider në Superligën e Kosovës.
Ramadani ka ndërtuar një skuadër solide dhe konkurruese, duke e bërë Dritën një forcë të frikshme në kampionat. Stili i tij i lojës është i bazuar në organizimin e fortë mbrojtës dhe një sulm efektiv, i cili ka rezultuar në sukses të qëndrueshëm si në ndeshjet në shtëpi, ashtu edhe jashtë saj.
Me një diferencë prej 8 pikësh ndaj ndjekësve më të afërt, Drita është në rrugën e duhur për të përmbushur ambiciet e saj për këtë sezon. Përkrah tifozëve besnikë dhe një skuadre të etur për suksese, Ramadani ka treguar se është trajneri i duhur për të udhëhequr këtë ekip drejt lavdisë.
Performanca e Zekirija Ramadanit nuk është vetëm një tregues i aftësive të tij taktike, por edhe i lidershipit të tij, që e ka bërë Dritën një ndër skuadrat më të frikshme dhe më të qëndrueshme në futbollin kosovar./radiostar/
