Swissmedic ka miratuar ilaçin Roche Ronapreve për trajtimin e Covid-19. Ronapreve u jepet në mënyrë intravenoze pacientëve në rrezik si dhe është ilaç parandalues ndaj Covid-19.
Preparati Roche përbëhet nga dy antitrupa të ndryshëm dhe administrohet në mënyrë intravenoze, shkruan Indeksonline.
Ronapreve është ilaçi i parë i miratuar në Zvicër që mund të përdoret për të parandaluar Covid-19.
Ronapreve ul rrezikun e shtrimit në spital dhe vdekjes tek shumë pacientë. Ronapreve u jepet të rriturve dhe adoleshentëve mbi 12 vjeç.
Roche e dorëzoi aplikacionin për miratim në mars të këtij viti dhe miratimi është bërë sot. Me të njëjtën ilaç ishte trajtuar edhe Donald Trump.
