OFK mirëpret vendimin e Ministrit të Shëndetësisë, Dr. Arben Vitia, për nënshkrimin e Udhëzimit Administrativ për shkollimin specialistik, me të cilin mundësohet që Biokimia Klinike të ndiqet edhe nga magjistrat e farmacisë.
Ky vendim dëshmon gatishmërinë e Ministrisë për të adresuar shqetësimet e ngritura nga OFK dhe paraqet hap të rëndësishëm drejt zbatimit të Strategjisë Nacionale të Farmacisë, për çka shprehim falënderimin tonë si përfaqësues të komunitetit farmaceutik.
OFK pret hapa të tjerë në drejtim të implementimit të Strategjisë Nacionale të Farmacisë dhe mbetet e përkushtuar për bashkëpunim institucional në interes të farmacistëve dhe avancimit të profesionit farmaceutik.
