Rikthehet shiu dhe bora në të gjithë Kosovën, këtë e ka bërë të ditur përmes një postimi në facebook “Meteo Kosova”.
Sipas “Meteo Kosova”, nga nesër vendi do të ndikohet nga masa më të ftohta ajrore, të cilat do të sjellin reshje shiu e bore.
Shkrimi i plotë:
Acari Siberian apo e ashtuquajtura “Bisha nga Lindja”, po afron drejt nesh! ?❄️☃️?
Duke filluar nga dita e nesërme, e Shtunë, vendi do të ndikohet nga masa më të ftohta ajrore, të cilat do të sjellin reshje shiu e bore.
Ndërsa nga java e ardhshme, përgatituni për acarin Siberian apo për të ashtuquajturën “Bisha nga Lindja”, ku kohë pas kohe do të ketë reshje bore dhe temperatura mjaft të ulëta, për të cilat do të informoheni të Hënën më në detaje. Fuqizimi i këtyre masave të ftohta, pritet në pjesën e dytë të javës së ardhshme.
