Me rastin e 8 Marsit, Ditës Ndërkombëtare të Gruas, kryetari i komunës së Vitisë, Sokol Haliti i shoqëruar nga bashkëpunëtorët e tij, ka organizuar pritje për femrat të cilat punojnë në institucionin e komunës. Me që rast ai ju ka uruar atyre këtë ditë dhe ju ka ndarë disa dhurata simbolike.
Kryetari Haliti gjatë këtij takimi i ka uruar gratë për nder të festës së 8 marsit-Ditës Ndërkombëtare të Gruas duke e çmuar lartë kontributin e grave në të gjitha sferat e jetës.
“Sot në këtë ditë madhështore dëshiroj të ju urojë të gjithë grave kudo që janë ditën e tyre. Një urim i veçantë shkon edhe për nënat tona pa asnjë dallim, fetar e kombëtar”, u shpreh kryetari Haliti. Ai gjithashtu ka folur për punën që po bënë Komuna e Vitisë, në çështjen e barazisë shoqërore në veçanti të barazisë gjinore duke përmendur edhe punët që ka bërë dhe po bënë kjo komunë në këtë drejtim. Kryetari Haliti tha se qeverisja e tij synon që Vitia të jetë një shembull i mirë në përparimin e të drejtave të grave në një shoqëri me mundësi të barabarta. Përndryshe dhuratën e parë e ka ndarë për një shërbyese civile e cila nuk ka mundur të jetë e pranishme në këtë takim për shkak të gjendjes shëndetësore. Ai i uroj asaj shërim të shpejt.
