Për nderë të muajit të shenjtë të Ramazanit, Partia Demokratike e Kosovës sonte ka shtruar iftar me përfaqësuesit e Bashkësisë Islame në Gjilan, të cilët i ka falenderuar për kontributin e përhershëm dhe bashkëpunimin e vazhdueshëm me të gjithë pa përjashtim.
Muaji i Ramazanit na bashkon dhe na afron çdo herë më shumë se sa zakonisht, shton besimin dhe harmoninë, rrit solidaritetin me të afërmit dhe miqtë tanë. Ne do të jemi përherë pranë njëri tjetrit, sepse vetëm të bashkuar dhe duke respektuar të tjerët, mund të bëjmë punë të mira dhe në dobi të të gjithë besimtarëve e qytetarëve tanë.
E falenderuam edhe kryetarin e B.I. në Gjilan z.Naim Aliu për bashkëpunimin e mirë institucional, për organizimin dhe funksionimin e mirë të Bashkësisë Islame dhe sukseset e tyre të arritura në shumë projekte, duke i shërbyer xhematit dhe qytetarëve të komunës.
Kryetari i Bashkësisë Islame Naim Aliu shprehu falenderim dhe mirënjohje për punët e mira dhe projektet që janë realizuar bashkë me Partinë Demokratike të Kosovës në Gjilan.
Ne u zotuam se do përkrahim secilin projekt që i shërben avancimit të punëve në kuadër të institucionit të Bashkësisë Islame.
Agjërim të lehtë dhe të pranueshëm për të gjithë besimtarët islam.
Riad Rashiti
Kryetar i Degës së PDK-së në Gjilan
