Kryetari aktual i Federatës së Sindikatave të Shëndetësisë së Kosovës, Blerim Syla ka folur në lidhje me përplasjet që kanë ndodhur dje në kuvendin, ku pritej të zgjedhej i pari kësaj sindikate.
Ai deklaroi se gjatë përplasjes është sulmuar fizikisht nga një doktor, por të cilit nuk ia ka përmendur emrin.
“Kam pasë sulm fizik dhe jam tërhequr, jam sulmuar nga një doktor dje që nuk dua t’ia përmend emrin, arsye që jam tërhequr është që s’kam dashur që ta bëjë të madhe”, është shprehur Syla.
“Kanë tentuar me udhëheqë jashtëligjshëm këtë kongres, unë nuk kam lejuar për interese klanore. Ky grup klanor u mundua të ma mohojë një të drejt për t’u zgjedhur”, shtoi ai në Edicionin Special.
