Gara në kategorinë e meshkujve në disiplinën “Downhill” (Lëshim i shpejtë) është anuluar për shkak të erërave të forta që po mbretërojnë në Korenë e Jugut.
Sipas jurisë së Lojërave Olimpike Dimërore, kjo garë është shtyrë për një ditë tjetër dhe do të zhvillohet të enjten më 15 shkurt nga ora 11:00 (3:00 në orën tonë lokale).
Në këtë garë do të paraqitet edhe skiatori nga Përfaqësuesja e Kosovës, Albin Tahiri.
Kujtojmë se Albini tani do ta ketë mundësinë për të debutuar ditën e martë në disiplinën “Kombinim Alpik”/Sheshi/
