Shkruan: Fadil Emini MA. SC i Juridikut-Financiar
Maltretimi dhe injorimi për hapjen e llogarive bankare nga ana e bankave për punëtoret e sektorit privat dhe studentët në bankat e Kosovës që janë përfitues nga pakoja financiare në vlerë prej 100 euro.
Pas marrjes së vendimit nga Qeveria e Republikës së Kosovës për ndihmë financiare në vlerë prej: 100 euro, për qytetaret e Kosovës të cilët janë specifikuar në bazë të vendimit të qeverisë si përfitues nga kjo pako fiskale, përfshihen edhe punëtoret e sektorit privat dhe studentët.
Shqetësuese dhe sfide për këto kategori është hapja e llogarive bankare në kohë sa më të shkurtër nga ana e Bankave komerciale që operojnë në Kosove. Sfidë është edhe për bankat, pasi q fluksi i madh i qytetareve përfitues për hapje të llogarive bankare në kohë sa më të shkurtër është jashtëzakonisht i madh, ku dihet se numri i personave vetëm në këtë kategori (punëtorët privat dhe studentë) është rreth 200,000 mije persona( 70,000 mijë punëtorë privat dhe rreth 130,000 mijë student) dhe mbi 20% e kësaj kategorie janë pa llogari bankare dhe një pjesë e tyre ka edhe llogari jo-aktive.
Çka do te thotë se në ketë periudhe kërkesa për hapje të llogarive është mbi 60,000 mijë persona.
Bankat tani kane filluar të aplikojnë metodën e injorimit për këta persona duke i larguar me pretekstin se nuk kanë mundësi hapje të llogarive dhe duhet të presin së paku 2 javë, tani këta qytetare janë duke u maltretuar për arsye se nuk po munden të hapin llogari bankare.
Të shtohet presioni dhe kontrolli mbi Bankat nga organet kompetente në mënyrë që qasja e bankave ndaj kësaj kategorie lenë për të dëshiruar.
Sfidë tjetër për përfitim nga kjo pako është edhe për ata persona që kanë dokumente me afat të skaduar dhe dokumente të humbura, ndërsa për hapjen e llogarisë bankare është kusht qe duhet të ketë dokument valid.
Ministria e Financave duhet ti kushtoj vëmendje kësaj qështje duke marrë në konsideratë numrin e madh të qytetareve pa llogari bankare, me dokument të skaduar në mënyrë që t’ju lehtësojë kësaj kategorie marrjen e ndihmës në vlerë prej: 100 euro.
MF duhet të analizojë mundësinë dhe të gjej metodën e përshtatshme në mënyrë që të gjithë këta qytetarë të marrin ndihmën financiare dhe për këtë proces të aplikohen metoda te përshtatshme për të realizuar me sukses këtë proces.
