Mbyllja e minatorëve në errësirën e horizonteve të minierës së Trepçës, 29 vite më parë, ishte dhe mbetet një akt unik i vetëdijës së lartë njerëzore për të drejtën e jetesës së lirë dhe rezistencës ndaj nënshtrimit. Minatorët u shndërruan në fenerë ndriçues të rrugës drejt lirisë dhe pavarësisë së Kosovës. Sot, me nderim kujtojmë veprën e më shumë se 1300 minatorëve të asaj kohe.
