Sot gjatë ditës Ministri i Punëve të Brendshme, Xhelal Sveçla, ka marrë vendim që ta shkarkojë nga detyra drejtorin e Agjencisë së Emergjencave, Fadil Kodra.
Ky veprim i tij ka bërë që nënkryetari i Komunës së Skënderajt dhe ish komandant i luftës, Sami Lushtaku, të reagojë ashpër, shkruan Jepi zë.
Lushtaku e ka quajtur vendimin të turpshëm e skandaloz shkarkimin e njërit prej themeluesve të UÇK-së, pjesëtar i grupit të Komandantit Legjendar Adem Jashari, luftëtar i dalluar i UÇK-së, Gjenerali Fadil Kodra.
Postimi i plotë nga Lushtaku:
I turpshëm e skandaloz lajmi se është shkarkuar nga pozita e Drejtorit të Përgjithshëm të Agjencisë së Emergjencave të Kosovës, njëri prej themeluesve të UÇK-së, pjesëtar i grupit të Komandantit Legjendar Adem Jashari, luftëtar i dalluar i UÇK-së, Gjenerali Fadil Kodra.
Duket që kjo qeveri e turpit ka aq shumë antipati ndaj UÇK-së, sa askush nuk mund të imagjinonte se veprimet e saj do të bien deri në këtë nivel. Nuk ka turp më të madh sesa të shkarkohet nga pozita e Drejtorit të Agjencionit të Emergjencave, një njeri si Fadil Kodra, që gjithë jetën e ka vënë në shërbim të kombit.
Duket që ka ardhë koha e proserbëve e nostalgjikëve të Jugosllavisë që të qeverisin me institucionet e Kosovës.
Turpi ju mbuloftë!
SL
