Çështja e Trusti është kthyer sërish për diskutim në opinionin publik, pasi këtë javë ka nisur sesioni vjeshtor i Kuvendit të Kosovës.
Deputeti më i zëshëm në këtë temë, Bekim Haxhiu ka thënë se më mirë është që qytetarëve t’iu mundësohet tërheqja deri në 30% të kursimeve të tyre në Trust, se sa paratë e tyre në Trust të humbin në tregjet ndërkombëtare.
Ai ka thënë se pret mbështetje për kërkesën e qytetarëve në këtë thellim enorm të krizës.
“Trusti ka humb 161. 6 milionë euro të kursimeve pensionale për 7 muaj, përgjatë periudhës janar-korrik 2022. Ata që votuan kundër Projektligjit për Trustin duhet të përgjigjen para qytetarëve dhe ta përmirësojnë gabimin tani kur Projektligji për Trustin po rikthehet në Kuvend me mbi 21 mijë nënshkrime të qytetarëve”, ka thënë ndër të tjera Haxhiu për Indeksonline.
Duke folur për procedurat, deputeti i PDK-së, ka thënë se fillimisht duhet Kryesia e Kuvendit me dërgu Projektligjin për Trustin për mendim në qeveri dhe pastaj të kthehet në Kuvend për miratim.
