Për shkak të një manifestimi fetar në Graçanicë, sot rruga magjistrale Prishtinë-Gjilan do të jetë e mbyllur nga ora 09:30 deri në përfundim të manifestimit i cili është paraparë të zgjasë 45 minuta.
Policia ka njoftuar se ndalimi i qarkullimit do të bëhet me vendim të Komunës, për krijimin e hapësirës për mbarëvajtje të manifestimit.
“Andaj duke pasur parasysh se magjistralja në fjalë shfrytëzohet nga një numër i madh automjetesh si dhe për faktin se paraqet arterien kryesore të lidhjes ndërqytetëse në mes kryeqytetit dhe qyteteve dhe fshatrave që përshkohen nga kjo rrugë, kërkojmë nga të gjithë shfrytëzuesit e kësaj magjistraleje që të shfrytëzojnë rrugët alternative brenda kohës së kufizimeve, ashtu që të tejkalohen vështirësitë dhe të ketë rrjedhë normale të zhvillimit të komunikacionit”, thuhet në kumtesën e Policisë së Kosovë, dërguar mediave.
