Policia në Gjilan ka arrestuar dy të dyshuar pasi që tek të njëjtit gjatë kontrrollit u janë gjetur dhe sekuestruar substanca narkotike.
Sipas njoftimit të PK-së thuhet se ngjarja ka ndodhur më datën 28.10.2022 rreth orës 11:30 minuta në rrugën “ Raif Halimi” në Gjilan.
“Janë arrestuar dy të dyshuar kosovarë pasi që gjatë kontrollit u janë gjetur dhe sekuestruar gjashtë qese me substancë dyshohet të jetë narkotike e llojit marihuanë me peshë 11.57 gram, një qese me kërpudha PCP me peshë 3.04 gram, dy gridera dhe dy pako rrizlla”, thuhet në njoftimin e Policisë.
Me vendim të prokurorit, dy të dyshuarit janë liruar dhe rasti të procedohet në procedurë të rregullt. /Zëri
