Një veturë 4Z është vetaksidentuar mëngjesin e sotëm në rrugën Prishtinë-Gjilan. Si pasojë e aksidentit lëndime trupore kanë pësuar tre persona.
Të lënduarit janë dërguar për trajtim mjekësor, ndërsa policia ka nisur hetim për zbardhjen e shkaqeve që çuan deri te vetaksidenti.
Këto informacione i dha për Gazeta10 zëdhënësja e policisë për rajonin e Prishtinës, Florie Ahmeti.
“Sot rreth orës 09:00, në rrugën Prishtinë -Gjilan, ka ndodhur një aksident trafiku, ku është përfshirë një automjet. Bazuar në të dhënat e deritanishme, si pasojë e aksidentit tre persona kanë pësuar lëndime trupore dhe të njëjtit janë dërguar për trajtimin e nevojshëm mjekësor. Policia ka nisur një hetim për zbardhjen e shkaqeve të këtij vetaksidenti”, tha Ahmeti
