Sot na pret mot i ndrshueshëm, por mjaft i ngrohtë për këtë periudhë kohore.
Në mëngjes priten riga lokale, ndërsa gjatë ditës priten intervale kohore me diell dhe temperatura deri në 15 gradë Celsius.
Në mbrëmje dhe gjatë natës rikthehen rrebeshet e shiut të cilat vende-vende mund të jenë intensive të përcjellura me vetëtima dhe bubullimë.
Mot i ngrohtë, por i paqëndrueshëm do të mbajë edhe të shtunën, me intervale kohore me diell dhe vranësira të shpeshta e rrebeshe lokale shiu.
Të dielën do të kemi ulje të ndjeshme të temperaturave, për shkak të ardhjes së një sasie të ajrit të ftohtë polar. Priten fjolla sporadike bore vetëm në disa rajone.
