Telegram ngushëllimi për ndarjen nga jeta të komentatorit e gazetarit sportiv, Milaim Krasniqi
Lidhja Rajonale e Futbollit e Gjilanit me pikëllim të thellë mori lajmin e hidhur për ndarjen nga jeta të gazetarit të njohur sportiv, Milaim Krasniqi.
Milaim Krasniqi ndërroi jetë në moshën 53 vjeçare pas një sëmundjeje të rëndë.
Krasniqi pjesën më të madhe të jetës e kaloi në Radiotelevizionin e Kosovës, duke dhënë kontribut të madh në gazetarinë sportive.
Milaim Krasniqi, ishte edhe president i Shoqatës së Gazetarëve Sportivë të Kosovës.
LRF Gjilan i shpreh ngushëllime komunitetit të gjërë të gazetarëve sportivë në vend dhe familjes së nderuar Krasniqi, për humbjen e hershme të doajenit të gazetarisë sportive, Milaim Krasniqi.
