Sot na pret mot kryesisht me diell, por edhe me vranësira kalimtare. Do të ketë erëra të lehta deri mesatare nga jugperëndimi të cilat në disa momente lokalisht mund të jenë të fuqishme.
Rrallëkund në ndonjë rajon mund të ketë ndonjë rigë të dobët shiu. Temperaturat nga 0 ajo minimale deri në 18 gradë Celsius ajo maksimale.
Të shtunën na pret mot i ngrohtë, por me erëra të forta nga jugperëndimi. Priten intervale të gjata kohore me diell dhe vranësira lokale.
Të dielën erërat do të fillojnë të fryjnë tanimë nga juglindja dhe për këtë arsye do të jetë ende mjaft ngrohtë për këtë periudhë kohore.
