Paradite dhe gjatë ditës vende-vende priten intervale kohore me diell dhe erëra lokalisht të fuqishme nga jugu dhe juglindja, ndërsa në veriperëndim të vendit riga shiu.
Pasdite priten rrebeshe shiu, lokalisht me vetëtima dhe bubullimë, ndërsa në orët e mbrëmjes ose natën reshje shiu priten në tërë territorin. Në viset malore reshje bore, ndërsa reshje bore mund të ketë edhe në veri-verilindje të vendit.
Të hënën na pret mot i paqëndrueshëm, me vranësira dhe herë pas here me reshje lokale shiu. Vende-vende priten rrebeshe lokale shiu me vetëtima dhe bubullimë, ndërsa në viset malore priten reshje bore.
Ditëve të ardhshme na pret mot i ndryshueshëm dhe i paqëndrueshëm, me reshje të herëpashershme shiu e bore në viset kodrinore-malore. Ka gjasa që reshje shqote e bore nganjëherë të ketë edhe në disa zona më të ulëta në Kosovë.
