Albi Mall Superliga e Kosovës në futboll vazhdon me ndeshjet e xhiros së 23-të, ku tre prej tyre zhvillohen ditën e sotme.
Padyshim që dueli kryesor i kësaj dite zhvillohet në stadiumin me bari sintetik në Gjilan, mes Dritës dhe Llapit.
Dy skuadrat në këtë takim vijnë pas humbjeve javën e kaluar dhe duan të rikthehen te fitoret.
Drita po kërkon ta rikthej titullin dhe tre pikët janë mëse të nevojshme për skuadrën e Arsim Thaqit.
Në anën tjetër llapjanët duan pozitën e tretë në tabelë dhe një gabim tjetër nuk i lejohet.
Duel tejet interesant pritet edhe në Klinë, mes Dukagjinit dhe Gjilanit.
Vendasit kërkojnë të rikthehen te fitoret, derisa Gjilani pas dy triumfeve radhazi synon mos të mposhtet në Klinë dhe të ruaj distancën me pikë.
Sfidë e zjarrtë pritet edhe në stadiumin ‘Bajram Aliu’ në Skenderaj mes dy skuadrave të fundit në tabelë, Drenicës dhe Ferizajt.
Drenicasit e kanë nisur në mënyrë shumë të keqe edicionin pranveror, ku kanë pësuar katër humbje në katër sfidat e para.
Në anën tjetër Ferizaj po kalon nëpër një formë të shkëlqyer dhe nuk di për humbje ku ka marrë tetë pikë.
Kuqezinjtë të fundit në tabelë kërkojnë pikët e para në pranverë, derisa mysafirët synojnë mos të mposhten as në ‘Bajram Aliu’.
Të gjitha ndeshjet e ditës së sotme fillojnë nga ora 13:00. /Gazeta Olle/
