Kryetari i AAK-së dega në Gjilan, Nazim Gagica ka vizituar Këshillin e Bashkësisë Islame në Gjilan, dhe në ka takuar kryetarin Naim Aliun.
Shkrimi i plotë:
Sot, bashkë me kolegë të kryesisë së AAK-së në Gjilan, vizituam Bashkësinë Islame të Kosovës, dega në Gjilan në vigjilje të muajit të Shenjtë të Ramazanit.
Gjithmonë gjejmë pritje të ngrohtë nga kryetari i KBI-së, Naim Aliu me bashkëpunëtorë, me të cilët kemi ruajtur raporte të shkëlqyera prej kohësh.
Urojmë me këtë rast komunitetin mysliman në Gjilan për muajin e madhërishëm të Ramazanit, duke ju dëshiruar agjërim të lehtë dhe të pranuar nga Krijuesi.
Muaji Ramazan le të shërbejë si një shans i mirë për të reflektuar si shoqëri për tu solidarizuar me ata që kanë nevojë, e për te qenë bashkë si qytetarë e si komb.
Zoti ju bekoftë të gjithë qytetarët e Gjilanit dhe të Kosovës!
Urime!
