Një ngjarje e rëndë ka ndodhur të dielën pasdite në Gjakovë. Dy vëllezër kanë mbetur të vdekur pas një konflikti pronësor me të dyshuarin.
Zëdhënës i Policisë së Kosovës në rajonin e Gjakovës, Lumni Graisha e ka konfirmuar rastin për Gazetën Insajderi. Ai ka thënë se sipas informatave të para motivet e vrasjes janë për shkak të një prone.
Ngjarja ka ndodhur në fshatin Madanaj të Gjakovës.
Sipas tij, dorasi është identitfikuar por ndodhet ende në arrati. Ai tha se policia është duke e kërkuar.
“Mund të konfirmoj behet fjal për vrasje te dyfisht. Viktimat janë vëllezër mes vete. Personi i dyshuar është i identifikuar por ndodhet në arrati”, ka thënë ai.
