Kosova ka arritur një barazim të madh ndaj Zvicrës në kuadër të kualifikimeve për Kampionatin Evropian “Euro 2024”.
Ndeshja e zhvilluar sonte në stadiumin “Fadil Vokrri” përfundoi me rezultatin 2:2.
E mediumi i njohur zviceran, “Blick” ka kritikuar ashpër paraqitjen e dyshes shqiptare, Granit Xhaka e Xherdan Shaqiri.
“U fol shumë para kësaj ndeshjeje. Për lidhjet mes Kosovës dhe Zvicrës. Për faktin se në kombëtaren e Zvicrës luajnë lojtarë me rrënjë nga Kosova. U fol shumë. Por sporti u diskutua vetëm pak paraprakisht. Trajneri i Zvicrës, Murat Yakin, i bëri thirrje ekipit të tij, tifozëve dhe mediave një ditë më parë: Le të jemi miq para dhe pas. Por në fushë, si në çdo ndeshje, shkojmë për tri pikë”, e nis artikullin Blick.
Paraqitje e zbehtë e Xhakës dhe Shaqirit u cilësua nga Blick.
“Ndryshe nga Xherdan Shaqiri dhe Granit Xhaka të zbehtë, Freuler mund të përqendrohet vetëm në sport para ndeshjes”, ishte kritika e Blick për dy yjet e tyre.
Freuler ishte vendimtar në dy golat e shënuar të Zvicrës, duke pasur paraqitje të mirë.
E pas ndeshjes, Granit Xhaka kritikoi paraqitjen e ekipit të tij, duke thënë se nuk ishin të koncentruar.
