KRU “Hidromorava” SH.A – Gjilan edhe gjatë ditëve të vikendit në shërbim të konsumatorëve dhe në gadishmëri për të kryer riparime dhe mirëmbajtje të sistemit të ujêsjellësit!
Të nderuar konsumatorë, ju njoftojmë me kënaqësi se ekipet tona të mirëmbajtjes janë vazhdimisht në gatishmëri edhe gjatë ditëve të fundjavës për të kryer riparime dhe mirëmbajtje të sistemit të ujësjellësit. Ky përkushtim i pandërprerë ka një ndikim të rëndësishëm në sigurinë dhe cilësinë e furnizimit me ujë për konsumatorët tonë të çmuar.
Sot, dëshirojmë të veçojmë ekipet të mirëmbajtjes në njesinë tonë të Kamenicës, të cilët kanë intervenuar me sukses në rrugën “Beteja e Kikês ” dhe kanë riapruar defektin në gypin Fl 125. Kjo veprimtari është një shembull i qartë i përkushtimit ndaj përmirësimit të shërbimit ndaj konsumatorëve dhe sigurisë së furnizimit me ujë.
Falënderojmë menaxherin e njësisë së Kamenicës, Sherif Thaqin, dhe ekipin e mirëmbajtjes për përpjekjet e tyre të palodhura dhe për punën cilësore që kanë bërë. Ky bashkëpunim dhe angazhim pozitiv janë thelbësorë për arritjen e qëllimeve tona të përbashkëta.
