Artan Dërmaku, intelektuali modern nga Republika e Kosovës, i cili studimet universitare i mbaroi në Universitetin Teknik të Vjenës, në Fakultetin e Shkencave Kompjuterike, në një afat rekord, duke lënë gjurmë të mëdha akademike e profesionale në atë universitet prestigjioz.
Si doktorant në fushën e Mekatronikës, vuri gurthemelin e ndërtimit dhe avansimit të tij në shkencë, duke u bërë edhe përfitues i çmimit ndërkombëtar “Fred Margulies Preis 12” i cili u jepet shkencëtarëve më të mirë në Austri. Pastaj, profesor Dërmaku, vazhdoi të jep kontribut të çmuar në ndërmarrjen më me renome botërore “Siemens”, si dhe, u angazhua parreshtur si hulumtues shkencor në Universitetin Teknik te Vjenës.
Me tu rikthyer në Kosovë, në Atdheun e tij, për të cilin u shkollua e u angazhua me mjaftë mund, djersë e sakrificë, u rikthye në vendlindje për të dhënë kontribut të çmuar në zhvillimin e shkencës dhe dhënien e përvojës e njohurive të reja për universitetet tona, e për studentët, në veçanti. Profesor Dërmaku, nën vlerësimin tim dhe të studentëve tjerë, është një mësimdhënës ideal dhe i nevojshëm i kohës, i cili ofron mundësi, objektiva dhe strategji për avansime në karrierë.
Është njeri i afirmuar dhe i përkushtuar për të sjellë rezultate për institucione e për studentët në veçanti. Për mua, si ish-student i tij, ishte nderë, kënaqësi dhe privilegj që kalova nëpër duart e tij të arta, si student i gjeneratës së parë në studimet pasdiplomike në programin E-qeverisja.
Profesor Dërmaku, përveç që është njeri i afirmuar e intelektual i pashoq, është njeriu me prapavinë me të pasur shkencore e akademike brenda Universitetit Publik “Kadri Zeka”. Në potencialin e tij akademik qëndron një oqean shkence e njohurie, e mbi të gjitha, në paraqitjen e tij publike para studentëve, posedon një stil të veçantë të kalibrit të profesorëve botërorë më me renome.
Profesor Dërmakun e falënderojmë jashtëzakonisht shumë për eksistencën e punës së tij në Universitetin Publik “Kadri Zeka, për dashamirësinë e afirmitetin, e mbi të gjitha, për përgjegjësinë në udhëheqjen e politikave të mirëfillta për Universitetin Publik “Kadri Zeka”, duke shpresuar që të ndërmarr reforma të thella brenda politikave të brendshme të tempullit të dijës.
Sinqeriteti i tij, përkushtimi, e mbi të gjitha, orientimi i madh në shkencë, ka bërë që Prof. Asoc. Dr. Artan Dërmaku, të jetë personalitet i veçantë në jetën tonë, ku pa njerëz të tillë, nuk do të mundeshim asnjëherë që të jetësonim e zhvillonim këtë Republikë, të cilën e fituam me mjaftë mund, djersë e gjak.
Reflektimi dhe pasqyrimi i tij me një zemër të madhe humane, është reflektim për breza të rinjë, për familjet tona, dhe, për zhvillimin dhe ndërtimin e të ardhmes së vendit tonë.
Tanimë, imazhi e përkushtimi në zhvillimin e politikave publike të Universitetit Publik “Kadri Zeka”, do të jehojë , ku do të vazhdojë të rikthehet besimi, vullneti e dëshira për punë e për njerëz profesional në këtë universitet, në mënyrë që të nxjerrim breza të suksesshëm të cilët mund ta rikthejnë besimin e vëmendjen në ndërtimin e Republikës sonë.
Nën shtrirjen e lidershipit të tij si rektor i Universitetit Publik “Kadri Zeka”, Prof. Asoc. Dr. Artan Dërmaku, do të vazhdojë të jetë i palëkundër në qëndrimet, idealet, parimet dhe mendimet e tij të thukta, duke jetësuar ëndrrën tonë dhe të shumë brezave që vazhdojnë të kalojnë nëpër objektin e shenjtë të tempullit të dijës, e tashmë, edhe në ndërtimin e politikave të mirëfillta në udhëheqjen e Universitetit “Kadri Zeka”, në mënyrë që ky universitet të lërë gjurmë të mëdha në jetën profesionale e akademike të çdo studenti.
Sinqerisht,
Ish studenti i gjeneratës së parë në studimet pasdiplomike në E-qeverisje,
Fitim Redenica
