Këshilli i Pavarur i Mediave (KPM) ka marrë vendim që të ndalohet transmetimi i ‘Arena Sport’ në Kosovë, si masë kundër mesazheve mbështetëse për sulmin terrorist të 24 shtatorit të cilat janë transmetuar në këto kanale televizive.
Në mbledhjen e mbajtur të martën, KPM-ja ka thënë se operatorët kabllorë nuk do të kenë të drejtë transmetimi të kanaleve sportive ‘Arena Sport’.
“Unë do te sugjeroj dhe rekomandoj se si komision te marrim një vendim që kërkon nga operatorët e shperndarjës qe menjëherë të ndalojë transmetimin e kanaleve të Arena Sport”, ka thënë Jeton Mehmeti, kryetar i Bordit të KPM-së.
Vendimi është miratuar me pesë vota për, asnjë kundër dhe asnjë abstenim.
Mehmeti ka thënë se vendimi hyn në fuqi menjëherë dhe do të jetë i vlefshëm deri në një vendim të radhës.
Komisioni i Pavarur i Mediave (KPM) ka vendosur që menjëherë pas transmetimit të mesazheve mbështetëse për sulmin terrorist në veri është vendosur për ndalimin e transmetimit të kanaleve televizive “Arena Sport” në Kosovë.
Kështu ka thënë sot drejtori i Bordit të KPM-së, Jeton Mehmeti, në mbledhjen e sotme të KPM-së.
Ai tha se Zyra Ekzekutive e KPM-së ka rekomanduar që mesazhet e transmetuara në kanalet ‘Arena Sport’ janë në kundërshtim me rregulloren e KPM-së.
“Nga monitorimi që është bërë nga ana e zyrës ekzekutive, del se kanalet e Arena kanë transmetuar përmbajte të cilat janë në kundërshtim me rregulloret e KPM-së”, ka thënë Jeton Mehmeti, raporton Paparaci.
Mehmeti ka thënë se sipas rregulloreve në fuqi të KPM-së, rekomandohet largimi i kanaleve ‘Arena Sport’ nga operatorët medial të licencuar në Kosovë.
“Në raste të veçanta kur një ofrues i shërbimit medial do të nxis veprimtari që cenojnë interesin nacional dhe sigurinë e përgjithshme, atëherë KPM-së do të urdhërojë të licencuarit që ta largojnë atë menjëherë nga katalogu i shërbimeve medial”, ka thënë Mehmeti.
“Pas gjetjes dhe evidencës se këtyre video-mesazheve që janë shpërndarë nga operatorët e Arenës, KPM-ja ka vendosur që menjëherë të ndalojnë transmetimin e kanaleve të Arena Sport për shkak se cenojnë sigurinë nacionale dhe rendin publik në Kosovë”, ka thënë Mehmeti.
Kanalet ‘Arena Sport’ transmetohen nga operatorët kabllorë: Kujtesa, Ipko, Artmotion, Telkos dhe MTS.
Në agjendën e publikuar në faqen zyrtare të KPM-së, në pikën e gjashtë thuhet se do të diskutohet raporti lidhur me të drejtat e transmetimit të Premier League.
Aktualisht, të drejtat për transmetimin e Premier League në Kosovë i mbajnë ‘DigitAlb’ dhe ‘Telekom Srbija’.
