Shtëpia Botuese “Alphabet JH” në Prishtinë, ka botuar së fundmi librin “Ndjenja tragjike e jetës” e shkrimtarit dhe filozofit të madh spanjoll, Miguel de Unamuno.
Kjo vepër vjen për herë të parë në gjuhën shqipe, përkthyer nga gjuha spanjolle nga gazetari Irfan Maliqi dhe Blerina Braho.
Tema kryesore e Unamunos në të gjitha shkrimet e tij është nevoja e përjetshme e njeriut për pavdekësi, duke pohuar nevojën shpirtërore për të besuar në një Zot personal.
“Del sentimiento trágico de la vida”, apo në shqip “Ndjenja tragjike e jetës” është një nga kryeveprat e Miguel de Unamunos, ndoshta ajo me rëndësinë më të madhe filozofike ndër veprat që ai shkroi. Botuar në 1913, ai zhvillon dhe analizon opsionet dhe përgjigjet ekzistuese ndaj tragjedisë më të madhe të qenieve njerëzore: frikës nga vdekja.
Libri gjendet në shitje te Libraria e Shtëpisë Botuese Alphabet JH, nën shkallët e hyrjes kryesore të Katedrales së Prishtinës, ose mund ta porosisni online në Facebook.
