Drejtoria rajonale e Policisë Gjilan, njësia rajonale e komunikacionit rrugor dhe stacionet policore të drejtorisë rajonale të Policisë Gjilan gjatë periudhës kohore 06.10.2023-12.10.2023 në vazhdën e implementim i planit operativ ,,Siguria në trafikun rrugor’’ kanë realizuar aktivitete në zonën e përgjegjësisë që mbulon shtatë (7) komuna.
Gjatë kësaj periudhe janë shqiptuar njëmijë e pesëqind e tetëmbëdhjetë (1518) gjoba për kundërvajtësit të cilët kanë rënë ndesh me ligjin për rregullat e trafikut rrugor.
Po ashtu në kuadër të këtij plani janë ndërmarr aktivitete edhe në:
• Hetim i tetëmbëdhjetë (18) aksidenteve të komunikacionit me dëme materiale,
• Hetim i shtatëmbëdhjetë (17) aksidenteve të komunikacionit me të lënduar,
• Shqiptuar masa e ndalim drejtimit të mjeteve për pesëmbëdhjetë (15) ngasës,
Drejtoria rajonale e Policisë Gjilan gjatë javës ka vazhduar me lansimin e fushatës sensibilizuese për sigurinë në komunikacionin rrugor për nxënësit e ciklit të ulët duke shpërndarë tek nxënësit rekuizita të ndryshme, aktivitete praktike në rrugë dhe ligjërata për siguri në trafik me komunikacion të zhvilluar.
Njësitet policore të Drejtorisë rajonale të Policisë Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet, thuhet në njoftimin e policisë.
