Kryetari i Gjilanit, Alban Hyseni, ka pritur në zyren e tij profesoreshën Hyrmyze Shkodra, e cila para pak ditësh doli në pension shkruan Radio Star.
Hyseni është shprehur i lumtur pasi që kishte fatin të ishte nxënësi i profesoreshës Hyrmyze Shkodra, ai ka falemnderuar për kontributin dhe afërsin e saj sa ishte për tri vite në gjimnaz.
Shkrimi i plotë:
Pas kontributit në më shumë se katër dekada dhe arsimimit të dhjetëra brezave me radhë, me rastin e pensionimit, në shenjë falënderimi për përkushtimin dhe angazhimin e saj të pakursyer, bashkë me klasorët e gjimnazit organizuam një pritje për profesoreshën tonë, Hyrmyze Shkodra.
Jemi të lumtur që kishim fatin të arsimoheshim nga një profesoreshë me virtyte të larta, profesionalizëm dhe frymë pozitive siç është Prof. Hyrmyze. Secili nga ne e falënderuam për kontributin dhe afërsinë që na ka falur gjatë 3 viteve, duke i dëshiruar shëndet dhe jetë të gjatë afër familjes./radiostar/
