Një pagë e 13 për mësimdhënësit është kërkuar nga Sindikata e Bashkuar e Arsimit për të gjithë mësimdhënësit e dalluar. Kjo pasi sipas kryetarit të SBASHK-ut, do të ndikojë në performancën e mësimdhënësve. Por teknikisht sipas njohësve të arsimit një gjë e tillë është e pamundur të realizohet.
Nuk janë të kënaqur me pagën të cilën e marrin.
Madje as rritja me ligjin për paga, nuk i pëlqeu Sindikatës së Bashkuar të Arsimit.
E së fundmi për një perfomancë më të mirë ata po kërkojmë edhe pagën e 13.
Por, sipas kryetarit të SBASHK-ut, Rrahman Jashari kjo duhet të bëhet vetëm për mësimdhënësit e dalluar.
E deri më tani asnjëherë një gjë e tillë nuk ka ndodhur.
Por, kjo kërkesë është e pamundur të realizohet në këtë kohë, sipas njohësit të arsimit, Rinor Qehaja.
Përfituesit eventual të pagës së 13-të nuk mund të ndahen sipas Qehajes.
Sipas SBASHK-ut, paga e 13-të është e paraparë me kontratën kolektive dhe ndahet kur mësimdhënësit arrijnë suksese në testin PISA dhe arritje individuale me nxënëse./teve1/
