Gjykata Themelore në Gjilan ka shpall aktgjykim dënues ndaj të akuzuarve R. K., A.K. dhe F. K..
Me datë 23.11.2017 me urdhër të Gjykatës, Policia e Kosovës ka zhvilluar një operacion për bastisje tek shtëpia e të akuzuarve në fjalë në fshatin Karaqevë e Epërme.
Gjatë bastisjes policia ka hasur në rezistencë nga këta persona, duke fyer dhe sulmuar zyrtarët policor, të cilët më pas kanë marr edhe trajtim mjekësor.
Me këtë rast Policia e Kosovës ka arritur që të zhvilloj operacionin e saj dhe ka arritur të konfiskoj një armë gjuetia, 12 mm me 32 fishekë, si dhe një pistoletë të kalibrit 7.65 mm, me 17 fishekë.
I akuzuari R. K. me këto veprime ngarkohet me veprën penale 1) sulm ndaj personit zyrtar gjatë kryerjes së detyrës zyrtare nga neni 410 paragrafi 1 lidhur me 31 të Kodit Penal të Republikës së Kosovës (KPRK), 2) të mbajtja në pronësi, kontroll ose posedim të paautorizuar të armëve nga neni 374 paragrafi 1 të KPRK-së dhe 3) kanosje nga neni 185 paragrafi 2 të KPRK-së.
Trupi gjykues pas shqyrtimit të shkresave të lëndës të akuzuarit R. K. ka shqiptuar një dënim unik prej 1 (një) vit burgim dhe një dënim me gjobë në shumën prej 500 (pesëqind) euro.
Ndërkohë të akuzuarit A. K. dhe F. K. dënohen me nga 3 (tre) muaj burgim efektiv.
Palët kanë të drejtën e ankesës ndaj këtij vendimi në Gjykatën e Apelit.
