Nënkryetari i LDK-së, Lutfi Haziri, përmes një statusi në ‘Facebook’, ka përkujtuar babain e dëshmorit Nuhi Berishës, Rexhë Berishën shkruan Radio Star.
Haziri ka thënë se sot në ndezjen e flakadanit të manifestimit të “Flakës së Janarit”, mungon Rexhë Berisha, babai i dëshmorit Nuhi Berisha.
Shkrimi i plotë:
Në ndezjen e “#Flakadanit…” sot na mungon shembulli i qëndresës dhe simboli ynë, babai i dëshmorit Nuhi Berisha, baca Rexhë. Faleminderit baca Rexhë për krejt atë që ke bërë për ne, për rreth një shekull jetë, faleminderit që na mësove qëndresën, faleminderit që nuk u theve asnjëherë, që na mësove si të mos koritemi asnjëherë para familjes, para atdheut dhe para Zotit. Qoftë i përjetshëm kujtimi për ty!
