Skuadra gjilanase FC Drita ka zyrtarizuar transferin më të ri në klub, Veton Tusha dhe ky transferim pritet të jetë një përforcim i rëndësishëm për repartin ofanziv të skuadrës.
Veton Tusha ka nënshkruar një kontratë tri vjeçare me FC Drita, duke u angazhuar me klubin deri në vitin 2027.
Ky angazhim afatgjatë tregon besimin e ndërsjellë mes klubit dhe lojtarit, dhe ambiciet e përbashkëta për të arritur suksese të mëdha në të ardhmen.
Me një kontratë tri vjeçare, Tusha do të ketë mundësinë të kontribuojë në sukseset e ardhshme të bardhekaltrit dhe të zhvillojë më tej karrierën e tij në futbollin profesionist.
Komunikata zyrtare:
Mirë se vjen Veton Tusha
Kemi knaqësin të ju njoftojmë me lojtarin tonë më të ri, sulmuesin Veton Tusha i cili është ardhja jonë e radhës e këtij afati kalimtarë nga Dinamo City.
Vetoni është pjese e përfaqsueses së Kosoves u21, dhe do të jetë një forcë shtesë në repartin ofanziv për tenerin tonë Zekirija Ramadani.
Tusha ka nënshkruar kontratë 3 vjeqare dhe do të jemi së bashku deri në qershor 2027.
Paq fat Veton🤍
