Pas pesë muajsh të ngjeshur me trajnim intensiv në Oklahoma, ShBA, Shpëtim Hasani ka arritur një moment të rëndësishëm në karrierën e tij ushtarake, duke përfunduar me sukses Kursin për Artileri Fushore (Field Artillery Basic Officer Leader Course).
Ky trajnim, i njohur për sfidat e tij të larta dhe kërkesat rigoroze, përgatit oficerët për të udhëhequr operacionet e artilerisë në fushëbetejë, duke i pajisur ata me njohuri të thelluara në taktikat dhe teknologjitë moderne ushtarake.
Shpëtimi, i cili përfaqëson Forcën e Sigurisë së Kosovës (FSK), ka dëshmuar aftësitë dhe vendosmërinë e tij përmes këtij arritjeje. Ai e përshkruan përvojën e tij në Oklahoma si një mundësi të pashoqe për të zhvilluar aftësitë e tij profesionale dhe për të marrë njohuri që do të jenë thelbësore për rolin e tij në FSK.
Duke falënderuar FSK-në për besimin dhe mbështetjen e tyre, Shpëtimi nënvizon rëndësinë e trajnimeve të tilla për zhvillimin e ushtrisë moderne dhe për forcimin e kapaciteteve mbrojtëse të Kosovës. Ky kurs është një dëshmi e përkushtimit të tij ndaj detyrës dhe një hap i rëndësishëm drejt avancimit të tij profesional si oficer i Artilerisë Fushore.
