Thirrje për bashkim dhe mbështetje: Selver Xhelili fton qytetarët e Kosovës Lindore
Në një mesazh të fuqishëm drejtuar qytetarëve të Kosovës Lindore, Selver Xhelili, kandidat i Partisë Demokratike të Kosovës (PDK) me numër 83, ka bërë thirrje për një moment historik të bashkimit.
Ai i ka ftuar të gjithë qytetarët e Preshevës, Bujanocit dhe Medvegjës të angazhohen dhe ta dërgojnë zërin e tyre në Kuvendin e Kosovës.
Mesazhi i Selver Xhelilit:
U bëj thirrje të gjithë qytetarëve të Kosovës Lindore, respektivisht Preshevës, Bujanocit e Medvegjës: ky është një moment historik për t’u bashkuar! Le të dërgojmë zërin tuaj në Kuvendin e Kosovës. Për aq shumë vjet atyre që ua besuat ju votën, nuk mbështetën interesat e juaja. Ju keni shumë halle, nuk jeni të pajisur me dokumentacionet e nevojshme. Kërkoj që të gjithë të bashkoheni dhe të keni sigurinë se, për 4 vjetët e ardhshme, do të jem një zë i fuqishëm për ju në Kuvendin e Kosovës.
