Komisioni Qendror i Zgjedhjeve ka dalë me një sqarim lidhur me transportimin e materialeve zgjedhore nga votimi jashtë Kosovës.
Në njoftimin e lëshuar nga MPJD thuhet se tërheqja e dërgesave postare nga kutitë postare të Komisionit Qendror të Zgjedhjeve, si dhe dërgimi i materialeve zgjedhore në përfaqësi diplomatike, do të bëhet përmes rrugëve tokësore nga zyrtarët e KQZ-së, me ndihmën e Ministrisë së Punëve të Jashtme dhe Diasporës, që ka siguruar automjetet transportuese, të cilat do të drejtohen nga zyrtarët e saj. Krejt kjo meqë ka dështuar nënshkrimi i kontratës për shërbimet postare, shkaku i ankesave, shkruan Reporteri.net.
“Deri më tani, në disa raste, KQZ ka tërhequr pakot me fletëvotime, të cilat janë dërguar për të qëndruar përkohësisht në përfaqësi të ndryshme diplomatike, respektivisht në dhomat e tyre të sigurisë, ku vëzhgohen vazhdimisht nga kamerat. Këto tërheqje janë zhvilluar në një proces transparent, me njoftimin paraprak të vëzhguesve të subjekteve politike, të cilët nuk kanë evidentuar ndonjë vërejtje në protokollet e tërheqjes dhe në praninë e zyrtarëve të KQZ-së”, thuhet në njoftim.
